रौतहटमा विवाह हुन लागेको एक घरमा करेन्ट लागेर एक महिलाको मृत्यु भएको छ भने ७ जना घाइते भएका छन् । बिहे घरमा गीत गाउने क्रममा माइकमा विद्युत्को करेन्ट प्रवाह भई लाग्दा ३० बर्सिया सम्घरिया देवीको मृत्यु भएको हो ।
दुर्गाभगवती गाउँपालिका-१ स्थित शिव मन्दिर टोलका नरेश राउतको छोरीको विवाहको पूर्व सन्ध्यामा शनिवार अबेर गाउँलेहरू भेला भएर नाचगान गरिरहेका थिए । गीत गाउने क्रममा माइकमा एकाएक करेन्ट प्रवाह हुँदा नरेश राउतकी सम्घरिया देवीलाईसहित ८ जना महिलालाई करेन्ट लागेको थियो ।
सुकदेवचोकस्थित शिव दर्शन अस्पतालमा उपचारको क्रममा देवीको मृत्यु भएको जिल्ला प्रहरी कार्यालय रौतहटले जनाएको छ । करेन्ट लागेर घाइते हुनेहरूमा दुर्गाभगवती १ पिपरा बस्ने सिता देवी राउत बरै, अनिता देवी राउत , मन्तोरिया देवी , मुनि राउत , केवला देवी, शुसिला देवी र हिरिया देवी रहेको प्रहरीले जनाएको छ ।
BACK TO TOP
