भारतको झारखण्ड देवघर त्रिकुट पर्वतमा आइतबार साँझ ५ बजे केबलकार दुर्घटना भएको थियो । दुर्घटनामा परेका ४८ जनामध्ये हालसम्म ४२ जनाको उद्धार गरिएको छ भने २ जनाको मृत्यु भएको छ । हाल उद्धार कार्य जारी रहेको छ ।
बाँकी फसेका मानिसलाई खाना र पानी ड्रोनमार्फत पुर्याइएको सञ्चारमाध्यममा उल्लेख छ ।
भारतको झारखण्ड देवघर त्रिकुट पर्वतमा रामनवमीमा पूजा गर्न र घुम्न सयौँ मानिस गएका थिए । यसै क्रममा रोपवेबाट तल आइरहेको र माथि गइरहेको केबलकारको डब्बा ठोकिएको थियो । सो समय २ दर्जन जति केबलकारका डब्बा रोपवेमा थिए । घटनामा कयौँ मानिसलाई सुरक्षित निकालियो ।
सोमबार दिनभर रोपवेमा फसेका मानिसहरूको उद्धार गरिएको थियो । माथि फसेका मानिसहरूलाई ड्रोनमार्फत खाना र पानी पठाइएको थियो । ट्रलीमा साना बच्चा, पुरुष र केही महिला फसेका छन् । उद्धार कार्य निरन्तर जारी रहेको बिबिसीले जनाएको छ ।
BACK TO TOP
