सुनको मूल्य आज फेरी प्रति तोला ८०० रुपैयाँले बढ्यो 

शुक्रवार नेपाली बजारमा सुनचाँदीको मूल्यमा वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको भाउ प्रतितोला ८०० रुपैयाँ र चाँदीको भाउ १० रुपैयाँले बढेको हो ।

बिहीबार प्रतितोला ९८ हजार ९०० रुपैयाँमा कारोबार भइरहेको छापावाल सुनको भाउ आज बढेर ९९ हजार ७०० रुपैयाँ पुगेको छ भने यसअघि प्रतितोला ९८ हजार ४०० रुपैयाँ रहेको तेजाबी सुन आज ९९ हजार २०० रुपैयाँ कायम भएको छ । 

यता, चाँदी पनि प्रतितोला १० रुपैयाँले बढेर एक हजार ३६० रुपैयाँमा कारोबार हुने महासङ्घले जनाएको छ । हिजो बिहीबार चाँदी प्रतितोला एक हजार ३५० रुपैयाँमा कारोबार भएको थियो ।