लेटाङमा लगातार तिन दुखद घटना, आज फेरी अर्को घटना घट्यो

मोरङको लेटाङमा एक विद्यालयमा शिक्षकले एक छात्रा माथि गरेको दुर्व्यवहार पछि भएको झडपमा महिला प्रहरी जवान उर्मिला श्रेष्ठको हत्या भएको थियो ।

त्यस पछि हिजो मात्रै लेटाङ नगरपालिका-६ की एक किशोरीले आफ्नै घरमा झुन्डिएर आत्महत्या गरेकी थिइन भने आज पुन लेटाङमा एक जनाको पौडी खेल्ने क्रममा डुबेर मृत्यु भएको प्रहरीले जनाएको छ । 

लेटाङ १ लोखराका अन्दाजी ४० वर्षीय शुक्र मगरको स्थानीय चिसाङ खोलाको लोखरा पैनी मुहानमा पौडी खेल्ने क्रममा डुबेर मृत्यु भएको इलाका प्रहरी कार्यालय लेटाङका प्रहरी निरीक्षक रोमनराज अर्यालले जानकारी दिए । 

मृतकको शव पोस्टमार्टमका लागि मङ्गलवारे अस्पताल उर्लाबारी पठाइएको लेटाङ प्रहरीले जनाएको छ । घटनाको थप अनुसन्धान भइरहेको प्रहरीले जनाएको छ ।