सुनको मूल्यमा गिरावट, आज एक लाख भन्दा कममा कारोबार

मङ्गलवार को तुलनामा आज(बुधवार) तोलामा एक हजार दुई सय रुपैयाँले घटेर ९९ हजार तीन सय रुपैयाँमा किनबेच भइरहेको सुन चाँदी व्यवसायी महासङ्घले जनाएको छ । साताको पहिला दिनको तुलनामा साता चौथो दिन बुधवार सुनको मूल्य तीन हजार पाँच सय रुपैयाँले घटेको हो । बुधवार तेजाबी सुनको भाउ तोलाको ९८ हजार आठ सय रुपैयाँ निर्धारण भएको छ ।

त्यस्तै चाँदीको भाउ पनि प्रतितोलामा १० रुपैयाँले घटेको छ । मङ्गलवार एक हजार तीन सय ८० रुपैयाँमा कारोबार भएको चाँदी बुधवार एक हजार तीन सय ७० रुपैयाँ तोकिएको सङ्घले जनाएको हो ।