आज नेपाली बजारमा सुनको मूल्य अहिले सम्मकै उच्च बिन्दुमा 

आज(बुधवार) सुन प्रतितोला २५ सय रुपैयाँले बढेको नेपाल सुन चाँदी व्यवसायी महासङ्घले जानकारी दिएको छ । आज नेपाली बजारमा सुनको भाउ प्रतितोला १ लाख ५ हजार ५०० रुपैयाँ पुगेको छ । यस्तै, तेजाबी सुनको मूल्य प्रतितोला १ लाख ५ हजार रुपैयाँ कायम भएको महासङ्घले जनाएको छ ।

यसै गरी, आज चाँदीको मूल्य प्रतितोला १४ सय ५० रुपैयाँ पुगेको छ । हिजो तोलामा १४ सय १० रुपैयाँले कारोबार भएको चाँदी आज एकै दिन प्रतितोला ४० रुपैयाँले बढेको हो ।

रुस युक्रेन युद्धको असरले आज नेपाली बजारमा सुनको भाउ अहिलेसम्मकै उच्च बिन्दुमा पुगेका हो । नेपाल सुनचाँदी व्यवसायी महासङ्घका अनुसार आज सुनको भाउ इतिहासकै सबैभन्दा उच्च मूल्यमा पुगेको हो । महासङ्घले सुनको भाउ अझै बढ्न सक्ने चेतावनी पनि दिएको छ ।