११२ औँ अन्तर्राष्ट्रिय श्रमिक महिला दिवसको अवसरमा १६ जना महिलालाई पौष्टिक आहार वितरण सहयोग गरिएको छ । प्रयास महिला समूह र प्रतिबिम्ब समूहको सहकार्यमा उक्त कार्य सम्पन्न भएको हो । महिलाहरूको लागी आवश्यक स्वास्थ्य, शिक्षा लगायतका विषयमा पनि छलफल भएको प्रतिबिम्ब समूह सञ्चालक सँगिना राईले बताएकी छन् ।
इटहरी, आइतबारेस्थित हुक्का हाउसमा उक्त कार्यक्रम सम्पन्न भएको हो । ११२ औ अन्तर्राष्ट्रिय नारी दिवसको अवसरमा प्रयास महिलाको आयोजकता र प्रतिबिम्ब समूहको सहयोगमा विपन्न आर्थिक अवस्था भएका लक्षित समूहका १६ जनालाई पौष्टिक सामाग्रीका प्याकेज वितरण गरिएको सँगिना राईले दीप खबरलाई बताएकी छन् ।
उक्त कार्यक्रममा महिलाहरूको यौन तथा प्रजनन स्वास्थ्य सम्बन्धी महत्त्वपूर्ण हक अधिकार बारे सहभागीहरूलाई जानकारी तथा छलफल गराइएको हो । साथै विपन्न वर्गका महिलाहरू, एकल महिलाहरूले भोगिरहेको चुनौतीहरू, अवसर प्राप्त गर्न आइपरेका बाधाहरू सम्बन्धी पनि छलफल भएको छ ।
विपन्न वर्गका महिलाहरूलाई तथा विविध स्वास्थ्य समस्याले घरमै बसिरहनु भएका १६ जना महिलाहरूलाई पौष्टिक खाद्यान्न प्याकेज वितरण गरिएको कार्यक्रम सञ्चालक सँगिना राईले बताएकी छन् । सँगिनाले विशेष गरी प्रतिबिम्ब समूहका सहयोगी साथीहरू तथा पौष्टिक खाद्यान्न प्याकेज सहयोग गर्नुहुने दातालाई विशेष धन्यवाद प्रकट गरेकी छन् ।
प्रतिबिम्ब समूहले सबै क्षेत्रका महिला एवम् किशोरीहरूको हितको लागि उनीहरूको अधिकार को लागि काम गर्ने गरेको छ ।
BACK TO TOP
