बिहीबार विश्व श्रवण दिवसको अवसरमा सुनसरीको इटहरी स्थित दुर्गा पार्टी प्यालेसमा निःशुल्क आँखा तथा कान उपचार शिविरको नेपाल प्रेस युनियन सुनसरी र राष्ट्रिय फोटो पत्रकार समूह सुनसरीको आयोजनामा सम्पन्न भएको हो । उक्त शिविरबाट १४० जनाले लाभ लिएको प्रेस युनियन सुनसरीका अध्यक्ष पवन अधिकारीले बताए । सञ्चारकर्मीहरूको आँखा उपचारका लागि विराटनगर आँखा अस्पतालको प्राविधिक सहयोगमा निःशुल्क आँखा तथा कान उपचार शिविर आयोजना गरिएको हो ।
राष्ट्रिय फोटो पत्रकार समूह सुनसरीको सह आयोजना रहेको आँखा तथा कान उपचार शिविरमा अग्रज पत्रकार हर्ष सुब्बा , कृष्ण विनोद लम्साल नेपाल पत्रकार महासङ्घका केन्द्रीय सदस्य अमर खड्का सहित विभिन्न सञ्चार माध्यममा आबद्ध सञ्चारकर्मीहरूले आँखा तथा कान जाँच गराएका थिए ।
नेपाल प्रेस युनियन सुनसरीका अध्यक्ष पवन अधिकारीको अध्यक्षतामा भएको निःशुल्क आँखा उपचार शिविरमा आँखामा समस्या भएकाहरूलाई औषधि निःशुल्क वितरण गरिएको थियो ।
BACK TO TOP
