आज सुनको मूल्य प्रती तोलामा एक हजार रुपैयाँले घट्यो

नेपाली बजारमा आज सुनको मूल्य हिजो(बिहिबार)को तुलनामा तोलामा एक हजार रुपैयाँले घटेको छ । हिजो एकै दिन २५ सय रुपैयाँले बढेको सुनको मूल्यमा आज एक हजारले घटेको नेपाल सुनचाँदी व्यवसायी महासङ्घले बताएको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा रु ९८ हजार कायम भएको छ । यस्तै तेजाबी सुनको मूल्य तोलामा ९७ हजार ५०० तोकिएको छ ।

त्यस्तै चाँदी आज प्रतितोला २० रुपैयाँले घटेर एक हजार ३३५ पुगेको महासङ्घले जनाएको छ ।