नेपाल कम्युनिस्ट पार्टीले एमसीसी पास भए आफ्नै मृत्यु पत्रमा हस्ताक्षर गरे सरह हुने बताएका छन् । सोमवार पार्टीका कार्यवाहक अध्यक्ष लोकनारायण सुवेदीले प्रेस वक्तव्य जारी गर्दै यस्तो बताएका हुन् । ‘प्रतिनिधि सभामा यो सम्झौता टेबुल गरिनु सार्वभौमसत्ता सम्पन्न संसद् र सांसदहरूको पनि घोर अपमान हो,’ वक्तव्यमा भनिएको छ, ‘अझ यसलाई सांसदबाट पारित गरिए आफ्नै मृत्यु पत्रमा हस्ताक्षर गरे सरह हुने नेपाल कम्युनिस्ट पार्टीको स्पष्ट दृष्टिकोण छ ।’
‘यो सांसदले राष्ट्रघाती र जनघाती कुनै पनि सम्झौताका बुँदाहरूलाई किमार्थ संशोधन गर्न सक्दैन,’ वक्तव्यमा भनिएको छ, ‘त्यसैले, यो नेपाल र नेपाली जनताको भाग्य र भविष्यमाथि ठाडै खेलबाड गर्ने र अमेरिकी स्वार्थको हित गर्ने यो सम्झौता खारेज गराउन नेपाली जनता एकताबद्ध भएर राष्ट्रव्यापी संयुक्त आन्दोलनमा उत्रन नेपाल कम्युनिस्ट पार्टी जोडदार आह्वान गर्दछ ।’
BACK TO TOP
