सुनको मूल्य लगातार उकालो लाग्दै

सुनको मूल्य साताको अन्तिम दिन शुक्रवार पनि उकालो लागेको छ । नेपाल सुनचाँदी व्यवसायी महासङ्घका अनुसार आज  सुनको मूल्य १ सय रुपैयाँ बढेर ९४ हजार रुपैयाँमा कारोबार भइरहेको हो । बिहीबारको लागि छापावाल सुन तोलामा ९३ हजार नौ  सय रुपैयाँ कायम भएको थियो । यो साताको सोमबार एक सय रुपैयाँ, मङ्गलवार ५ सय रुपैयाँ, बुधवार  तीन रुपैयाँ र बिहीबार ५ सय रुपैयाँले सुनको मूल्य बढेको थियो । महासङ्घका अनुसार आज तेजाबी सुनको मूल्य तोलामा ९३ हजार पाँच सय रुपैयाँमा कारोबार भइरहेको छ ।

शुक्रवार चाँदीको मूल्य स्थिर रहेको महासङ्घले जनाएको छ । महासङ्घका अनुसार आज  चाँदी बिहीबारकै मूल्य १ हजार २८० रुपैयाँमा कारोबार भइरहेको छ ।