चार पटकसम्म स्थगित भएको प्रतिनिधिसभा बैठक फेरि १० दिन पर सारियो । बैठक सारिनुको मुख्य कारण कोरोना सङ्क्रमणलाई देखाइए पनि वास्तविक कारण अरुनै हुन सक्ने बताइएको छ । पाँच दलीय गठबन्धनको शनिवार बसेको बैठकपछि प्रतिनिधिसभा बैठक १० दिन पर सारिएको हो । सभामुखको आदेशले राति नै बैठक स्थगितको सूचना जारी गरिएको हो । कुनै पनि सूचना प्रायः कार्यालय समयमा नै जारी गर्ने गरिन्छ तथा अर्को दीन बिहान सूचना प्रकाशन गरिन्छ ।
प्रधानमन्त्री शेरबहादुर देउवाले एमसीसी टेबुल गर्ने र त्यसपछि स्थानीय तहको निर्वाचन मिति तोक्ने प्रस्ताव राखे पनि बैठकले स्वीकार नगरेको स्रोतको दाबी छ । तत्काल एमसीसी संसद्मा पेस गर्न नहुने अडानपछि प्रतिनिधि सभा बैठक १० दिन पर सार्न रातारात सूचना जारी गर्न लगाइएको हुन सक्ने जनताको बुझाई रहेको छ ।
BACK TO TOP
