निजी तथा आवासीय विद्यालय सङ्गठन नेपाल (प्याब्सन)ले माघ २३ गतेदेखि विद्यालय खोल्न दिन माग गरेको छ । प्याब्सन केन्द्रीय कार्यसमितिले बुधवार शिक्षा, विज्ञान तथा प्रविधि मन्त्री देवेन्द्र पौडेल सङ्ग भेट गरेर कोरोना महामारीको परिस्थिति हेरेर माघ २३ गतेदेखि विद्यालय खोल्न दिन माग गरेको हो ।
खोप लगाइसकेका विद्यार्थीलाई आलो पालो प्रणालीमा भौतिक उपस्थितिमा कक्षा सञ्चालन गर्ने व्यवस्था गर्न शिक्षामन्त्री पौडेललाई माग गरेको अध्यक्ष टीकाराम पुरीले बताएका छन् । प्याब्सनको काठमाडौँ, ललितपुर, भक्तपुर जिल्ला समिति तथा नगर समितिहरू गरी १८ वटा कार्यसमितिले तीन वटै जिल्ला प्रशासन कार्यालयमा १० बुँदे ज्ञापन पत्र बुझाएका छन् ।
यस्तै उनले शिक्षामन्त्रीसँग नेपाल शिक्षालाई कसरी सुधार गर्ने भन्नेबारेमा पनि छलफल भएको बताए । साथै शिक्षक तथा कर्मचारीको लागि बुस्टर डोजको व्यवस्था गर्न मन्त्रीलाई अनुरोध गरेको पुरीले जनाकारी दिएका छन् ।
शिक्षामन्त्री पौडेलले प्याब्सनसँगको सल्लाहमा खोप लगाइसकेपछि, संंक्रमण अवस्था हेरेर मात्रै निर्णयमा पुग्ने बताएका हुन् ।
BACK TO TOP
