काठमाडौंको कोटेश्वरमा टिप्परको ठक्करबाट गएरति एक युवकको मृत्यु भएको । मृत्यु हुनेमा मोरङ पथरीका २७ वर्षीय प्रकाश लिम्बू रहेका छन् । उनलाई मगलबार राति ११ बजेतिर टिप्परले ठक्कर दिएको थियो । उनी प्रदेश – ३–०२६ प १८२४ नम्बरको मोटरसाइकलबाट कोटेश्वरतर्फ जाँदै गर्दा तीनकुनेमा ना १ क ४५०२ नम्बरको टिप्परले ठक्कर दिएको प्रहरीले जानकारी दिएको छ । उनको उपचारको क्रममा राति मृत्यु भएको प्रहरीको भनाइ छ ।
मोटरसाइकलको पछाडि सवार काभ्रेका ३१ वर्षीय देव लामा पनि गम्भीर घाइते भएका छन् । हाल उनको राष्ट्रिय ट्रमा सेन्टरमा उपचार भइरहेको प्रहरीको भनाइ छ । ठक्कर दिने ट्रिपरका चालकलाई कीर्तिपुरको सुन्दरीघाटबाट पक्राउ गरिएको छ । पक्राउ परेको चालकमाथि प्रहरीले अनुसन्धान गरिरहेको छ ।
Copyright © 2023, Dipkhabar & Everest Media And Advertising Agency | All rights reserved.
BACK TO TOP