जानकी प्लास्टिक उद्योगमा आगलागी हुँदा १० करोड रुपैयाँ बराबरको क्षति

धनुषाको लक्ष्मीनिँया गाउँपालिका–७ भगवतीपुर स्थित नवल मुरकाको जानकी प्लास्टिक उद्योगमा आगलागी हुँदा १० करोड रुपैयाँ बराबरको क्षति भएको छ । उद्योगमा विद्युत् सर्ट भई सोमबार राति आगलागी हुँदा मेसिन, मेटेरियल सामान, केमिकल, कच्चा पदार्थ, काठ, लत्ताकपडा लगायत अन्नपात जलेर नष्ट भएको प्रहरीले जनाएको छ ।

आगलागी भएको भन्ने खबर प्राप्त हुनासाथ इलाका प्रहरी कार्यालय महेन्द्रनगर र प्रहरी चौकी लक्ष्मीनिँयाबाट खटिएको प्रहरीले दमकल र स्थानीय बासिन्दाको सहयोगमा आगलागी पूर्ण रुपमा नियन्त्रणमा लिएको प्रहरीले जनाएको छ ।