विभिन्न व्यक्तिहरूको फेसबुक अकाउन्ट ह्याक गरी रकम मागी अनलाइन ठगी गरेको आरोपमा एक जना युवक पक्राउ परेका छन् । प्रहरीले भक्तपुरको गठ्ठाघर बस्ने मोरङको पथरी शनिश्चरे नगरपालिका–१०, मङ्गलवारका १८ वर्षीय किशोरलाई पक्राउ गरेको हो । विभिन्न व्यक्तिहरूका फेसबुक आइडी ह्याक गरी आइडीमा भएका व्यक्तिहरूलाई विभिन्न खातामा पैसा पठाउन लगाई अनलाइन ठगी गरेको आरोपमा उनलाई प्रहरीले पक्राउ गरेको हो ।
उनी विरुद्ध ठगीसम्बन्धी आरोपमा थप अनुसन्धानका लागि महानगरीय प्रहरी परिसर टेकु पठाइएको महानगरीय अपराध महाशाखाले जनाएको छ ।
BACK TO TOP
