मेडिकल कलेजको बदमासी : बिद्यार्थिहरु आन्दोलनमा

तोकिएकोभन्दा बढी शुल्क लिएको विरोधमा विद्यार्थीहरू आन्दोलनमा उत्रिएका छन् । काठमाडौँ मेडिकल कलेज (केएमसी) ले तोकेभन्दा बढी शुल्क लिएको भन्दै शुल्क वृद्धि तत्काल फिर्ता लिन मागसमेत गरेका छन् । हाम्रो भविष्य सुनिश्चित गर, लुटतन्त्र बन्द गर, मेडिकल माफिया मुर्दावाद लगायत नारा लेखिएका ब्यानर र प्लेकार्ड बोकेर विद्यार्थीहरू आन्दोलनमा उत्रिएका हुन् । 

बुधवार माइतीघर मण्डलाबाट निकालिएको र्‍याली बानेश्वर चोक पुगेर कोणसभामा परिणत भएको थियो । विद्यार्थीहरूले कलेजले भविष्यमा आयोगले तोकेको बाहेक अन्य शुल्क लिन पाइनेछैन भनेर लिखित प्रतिबद्धता दिनुपर्ने, करारनामाको नाममा विद्यार्थीलाई अनावश्यक दबाब दिन नपाइने लगायतका माग राखेका छन्।