चितवनमा जारी नेकपा एमालेको १० औं राष्ट्रिय महाधिवेशनमा सुनसरीबाट पाँच जना महाधिबेशन प्रतिनिधि सर्वसहमत केन्द्रिय सदस्यमा चयन भएका छन् । अध्यक्ष केपी ओलीले भण्डारीलाई केन्द्रीय सदस्यको सुचीमा इटहरी उपमहानगरपालिका उपप्रमुख लक्ष्मी गौतम, तैयुब हुसेन, जगदिश कुसियत, भगवती चौधरी, अमृता सुब्बा र अटाएका हुन् । गौतम र चौधरी महिला कोटाबाट केन्द्रीय सदस्यमा समेटिएका छन्।
त्यस्तै कुसियत मधेसी खुल्ला, सुब्बा जनजाति महिला कोटाबाट चयन भएका हुन् । यता तैयुब हुसेन मुस्लिम कोटाबाट समेटिएका छन् । यस्तै डिबी साह संकर लेखा आयोग सदस्य र पोष्ट कुमार नेपाल अनुशासन आयोगको सदस्यमा चयन भएका छन् ।
आइतबार राती बन्द सत्रमा अध्यक्ष केपी शर्मा ओलीले ३०१ जना केन्द्रीय सदस्यहरुको नाम प्रस्ताव गरेका थिए । ती नाम हलबाट अनुमोदन भएको थियो । यद्यपी, निर्वाचनको प्रक्रिया भने हुन बाँकी नै छ ।
निर्वाचनमा प्रदेश १ महिलाबाट मञ्जु मण्डारी र पार्टी सचिव भिम प्रसाद आचार्य चुनावी तयारीमा छन् । भण्डारी पनि सर्वसहमत केन्द्रिय सदस्य चयन भएकी थिइन् । तर उक्त पदमा अन्य उमेद्धारको आवेदन परेपछि चुनाव हुन लागेको हो । यता आर्चाय पनि सचिव पदका लागि चुनावी मैदानमा छन् ।
हाल पार्टी सचिव रहेका आचार्य केन्द्रिय सदस्यमा झारिदिएपछि उनले सचिव पदकै लागि उमेद्धार दिएका छन् । यदि भण्डारी र आचार्यले चुनाव जिते सुनसरीबाट एमालेको केन्द्रिय तहको राजनितिमा सचिव सहित सात जनाले प्रतिनिधित्व गर्ने छन् । यस अघि केन्द्रिय सदस्य रहेका धर्मराज निरौला भने आउट भएका छन् ।
BACK TO TOP
