भारतीय बजारबाट भन्सार छली गरी ल्याइएको १६० बोरा चिनी लौकहीबाट बरामद

भारतीय बजारबाट भन्सार छली गरी ल्याइएको १६० बोरा चिनी लौकहीबाट बरामद

जिल्ला प्रहरी कार्यालय सुनसरीले भारतबाट भन्सार छली नेपाल भित्राइएको १६० बोरा चिनी बरामद गरेको छ । विशेष सूचनाको आधारमा कोशी गाउँपालिका १ भित्री सडक अन्तर्गत को १ ख ५२१५ नम्बरको मिनी ट्रकमा लोड गर्दै गरेको अवस्थामा उक्त चिनी बरामद गरेको हो । बरामद गरेको चिनी सहित ट्रकलाई भन्सार कार्यालय सेतुबन्ध कोशी ब्यारेजमा पठाइएको प्रहरीले जानकारी दिएको छ । ट्रक चालक सिन्धुली कमलामाई नगरपालिका ४ बस्ने ४८ वर्षीय विरोध लामिछाने रहेका छन् ।