इटहरीका मेयर चौधरीले ‘यो आइमाईलाई कसले भित्र छिरायो, बाहिरबाहिर’ भनेपछि……

इटहरीका मेयर चौधरीले ‘यो आइमाईलाई कसले भित्र छिरायो, बाहिरबाहिर’ भनेपछि……

गत भदौ ३० गते बुधवार दिउँसो इटहरी उपमहानगरपालिका प्रमुख द्धारिकलाल चौधरीको कार्यकक्षमा बैठक बसिरहेको थियो । त्यही समयमा इटहरी ४ का दुई महिला बैठक कक्ष बाहिर पुगे ।

सिता शेर्पा राई र शर्मिला भट्टराई नाम गरेका । उनीहरू मेयर चौधरीलाई भेटेर आफ्नो कागजपत्रमा हस्ताक्षर गराउन बैठक भएकाले निकै बेर बाहिर कुरे ।

शर्मिला भट्टराई चटपटे, पानीपुरी व्यवसाय गर्न नगरले दिने गरिबी अनुदान लिन गएकी थिइन । करिब १० देखि १५ हजार सम्मको सामग्री दिने भएपछि कागजपत्र सहित उनी पुगिन ।

वडा कार्यालयले आवश्यक सिफारिस दिएपछि दुवै जना उपमहानगरमा अनुदान प्रक्रिया अघि बढाउन गएका थिए । नियमानुसार वडाले दिएको सिफारिसको मेयर चौधरीले तोक लगाउनु पर्थ्यो । त्यही तोक लगाउन उनीहरू कार्यकक्ष पुगे ।

भित्र मिटिङ चल्दै गरेको जानकारी कार्यालय सहयोगीले दिएपछि उनीहरू बाहिरै पर्खिएर बसे । झन्डै एक घण्टा पर्खिए तर पालो आएन ।

ढिलो भएपछि सिताले त्यही बाहिर रुङ्ने कार्यालय सहयोगीलाई सहयोग मागिन ।‘सबै कागज पुरा छ, वडाले पनि तोक लगाएको छ, मेयर साबले तोक लगाइदिए पुग्छ, यति तपाईँले नै मेयर साबलाई तोक लगाएर ल्याइदिनु न ।’

यति भनेपछि बाहिर बस्ने कार्यालय सहयोगीले मेयर सम्म पुर्‍याए । मेयरले निवेदनमा तोक लगाए । तर, फेरि वडा कार्यालयकै नाममा ।
फेरि वडामै जानू पर्ने भएपछि शेर्पा अचम्ममा परिन । वडाबाट सबै काम सकिएकोले उनी मेयर सम्म आएकी थिइन । त्यसपछि उनले फेरि मेयर सङ भेट्न कार्यालय सहयोगीलाई समय मागिन् ।

मेयर साबले कुरा बुझ्नु भएन कि के हो रु म एकचोटी भित्र पसेर भन्छु है भन्दै उनी भित्र छिरिन् ।

मेयरको कार्यकक्षमा छिरेर शेर्पाले मेयर साब लगायत सम्पूर्णमा नमस्कार भन्न नपाउँदै मेयर चौधरीले यस्तो आइमाईलाई कसले भित्र पस्न दियो रु बाहिर बाहिर भन्दै रिसले र्मुर्मुरिए ।

मेयर चौधरीको यस्तो बोलीले शेर्पा आफुँ छाँगाबाट खसेको जस्तै भइन् । शेर्पाले न्युज कारखानालाई भनिन् ‘मेयरले यस्तो भनेपछि मैँले सडकमा रातदिन हड्डी घोटेर गरिखाने दिदीबहिनीलाई सम्झे । म मेयरको छिमेकी हो, लामो समय देखि संर्घङ्र्ष गर्दै आएकी म मेयरकै भनाई अनुसार म कस्तो आइमाई हो ?’

त्यसपछि चुनावमा ‘एक भोटले त हारजित हुन्छ, मेरो घरको पाँच भोट खेर गएछ’ भन्दै बाहिर निस्किन ।

बाहिर निस्किनसाथ मेयर चौधरीका स्वकीय सचिव सूर्य चौधरीले हातमा सुनको बाला, घाँटीका सुनको सिक्री लाउने मान्छे सहयोग माग्न किन आको भन्दै झपारे ।

तिजको छेको पारेर सुन जस्तो देखिने ३ सयको ग्यारेन्टीवाला लगाएकोलाई स्वकीय चौधरीले सुन किन लगाएको भन्दै झपारे । त्यसपछि उनी त्या बाट मलिन हुँदै निस्किन ।

‘म सडक पेटीमा चिया बेच्दै आएको मान्छे। धेरै वर्ष भयो तिजमा केही लगाउन पाएको थिइन । अस्तिको तिजमा ३ सयको ग्यारेन्टीवाला सिक्री लगाको थिए ।’ उनी भन्छिन् ‘सुन जस्तो देखिने बित्तिकै सबै सुन हुन्छ र मैँले सुन नै लगाए पनि म त साथी मात्रै गको हो ।’

मलाई मेयर साबले यस्तो आइमाई भन्नु भयो शेर्पा प्रश्न गर्छिन् । उनले दुखेसो पोख्दै भनिन ‘यस्तो आइमाई भनेको म कस्तो आइमाई रु’

नगर प्रमुख चौधरीको बोलीबाट दुखी बनेका शेर्पा र भट्टराई कानुनी उपचार खोज्ने बताउँछन् । आफुँले नगरको अभिभावक मानेको व्यक्तिबाटै अमानवीय, व्यवहार भएको भन्दै कानुनी उपचारको तयारीमा लागेको बताए ।

उनीहरूलाई अहिले विभिन्न १३ सङ्गठन महिला अधिकारकर्मीहरूले सहयोग गर्ने बताएका छन् । ध्यानाकर्षण सहित धर्ना कार्यक्रम गर्ने अधिकारकर्मीहरूले चेतावनी दिएका छन् ।संयुक्त विज्ञप्ति जारी गर्दै महिला अधिकारकर्मीहरूले कडा सङ्घर्ष गर्ने बताएका छन् ।

‘नेपालको संविधानले सुनिश्चित गरेको संवैधानिक हक र अधिकार कार्यान्वयन गर्नु राज्यको दायित्व हो । तर यसरी स्थानीय तहको नेतृत्व लिई रहेको प्रमुख जिम्मेवार व्यक्तिबाट नै महिलालाई लक्षित गरी प्रहार गरिएको अपशब्दले देशको ५२ प्रतिशत भन्दा बढी जनसङ्ख्या ओगटेको महिलाहरूलाई प्रत्यक्ष रूपमा अपमानित गरेको छ ।’ विज्ञप्तिमा भनिएको छ ।

पटक पटक महिला प्रति नगरप्रमुखले गरेको अपमान सहेर नबस्ने समेत उनीहरूले बताएका छन् । मेयर चौधरीलाई सम्बन्धित निकायले कडा भन्दा कडा कार्बाहि गर्न समेत माग गरेका छन् । चौधरीले महिला समक्ष सार्वजनिक स्थानमा माफी माग्नु पर्ने समेत माग गरेका छन् । साथै उनीहरूले आज १० बजे इटहरी उपमहानगरपालिका गेट अगाडी धर्ना कार्यक्रम समेत गर्न लागेका छन् ।