ब्राजिलमा जारी दक्षिण अमेरिकी फुटबलको सबैभन्दा ठुलो प्रतियोगिता कोपा अमेरिकाको सेमिफाइनल समीकरण पूरा भएको छ । आइतबार बिहान क्वाटरफाइनलका खेल सकिएसँगै सेमिफाइनल प्रवेश गर्ने ४ टोलीको टुङ्गो लागेको हो ।
यसपटकको कोपा अमेरिकामा ब्राजिल पेरु, कोलम्बिया र अर्जेन्टिनाले सेमिफाइनलमा स्थान बनाउँदा चिली, पाराग्वे, उरुग्वे र इक्वाडरको यात्रा भने क्वाटरफाइनलबाटै टुङ्गिएको छ । सेमिफाइनलका खेल मंगबार र बुधबार हुनेछन् ।
सेमिफाइनलमा यी टिम भिड्नेछन्ः
ब्राजिलविरुद्ध पेरु
ब्राजिलले चिली र पेरुले पाराग्वेको चुनौतीलाई पार गर्दै सेमिफाइनलमा स्थान सुरक्षित गरेका हुन् । यी दुईबीचको खेल मंलबार बिहान पौने ५ बजे निल्टन सान्तोष फुटबल मैदानमा हुनेछ ।
अर्जेन्टिनाविरुद्ध कोलम्बिया
अर्जेन्टिनाले इक्वेडर तथा कोलम्बियाले उपाधि दाबेदार मनिएको उरुग्वेलाई पराजित गर्दै सेमिफाइनलमा स्थान पक्का गरे । यी दुईबीचको खेल बुधबार बिहान पौने ७ बजे माने गारिन्चा फुटबल मैदानमा हुनेछ ।
BACK TO TOP
