इटहरी प्रहरीद्धारा नगद तथा ग्याँस सिलिन्डर चोरी गरेको आरोपमा दुई जनालाई पक्राउ

इटहरी प्रहरीद्धारा नगद तथा ग्याँस सिलिन्डर चोरी गरेको आरोपमा दुई जनालाई पक्राउ

इलाका प्रहरी कार्यालय इटहरी चोरीमा संलग्न दुई जनालाई पक्राउ गरेको छ ।

इटहरीका विभिन्न स्थानबाट नगद तथा ग्याँस सिलिन्डर चोरी गरेको आरोपमा भिन्नाभिन्नै स्थानबाट दुईजनालाई पक्राउ गरिएको हो ।

गत असार १२ गते इटहरी ३ बस्ने अनन्तप्रसाद पौडेलको घरमा रहेको नगद एक लाख ५३ हजार र १४ हजार बराबरको सुनको लकेटसमेत चोरी गरेको आरोपमा असार १६ गते (बुधबा) इटहरी ३ बस्ने २९ वर्षीय सुमन तामाङलाई पक्राउ गरिएको डीएसपी अर्जुन केसीले बताए । उनको कोठाबाट प्रहरीले ६९,५०० रुपैँया समेत फेला पारेको जनाएको छ ।

यस्तै, असार १५ गते इटहरी ६ स्थित कुलनयन ट्रेडर्सबाट ग्याँस सिलिन्डर चोरी भएको भन्ने सूचनाका आधारमा प्रहरीले धरान १९ बस्ने २४ वर्षीय सुरज परियारलाई पक्राउ गरेको छ ।

चोरीपछि खोजतलास गर्ने क्रममा मोरङ सुन्दरहरैँचा ३ की कान्छीमाया परियारको घरमा बसेको अवस्थामा ग्याँस सिलिन्डरसहित सुरजलाई पक्राउ गरिएको प्रहरीले जनाएको छ ।

पक्राउ परेका दुवैजनामाथि चोरी मुद्धामा सुनसरी जिल्ला अदालतबाट म्याद थप गरी अनुसन्धान भइरहेको इलाका प्रहरी कार्यालय इटहरीले जनाएको छ ।