भारतमा २४ घण्टामा ४६ हजार संक्रमित, ९७९ जनाको मृत्यु

भारतमा २४ घण्टामा ४६ हजार संक्रमित, ९७९ जनाको मृत्यु

भारतमा लगातार दैनिक संक्रमण हुनेको संख्या घटिरहेको भएपनि मृत्यु हुनेको संख्या भने घटेको छैन । भारतीय स्वास्थ्य मन्त्रालयले दिएको अपडेट अनुसार २४ घण्टामा ९७९ जनाको मृत्यु भएको छ । त्यस्तै २४ घण्टामा ४६ हजार १४८ संक्रमित भएका छन् । 

योसँगै भारतमा अहिलेसम्म कुल मृत्यु हुनेको संख्या ३ लाख ९६ हजार ७३० पुगेको छ । त्यस्तै भारतमा अहिलेसम्म कोरोना संक्रमितको संख्या ३ करोड नाघेको छ । अहिलेसम्म कुल संक्रमित संख्या ३ करोड २ लाख ७९ हजार ३३१ पुगेको छ भने अहिले भारतमा ५ लाख ७२ हजार ९९४ कोरोनाका सक्रिय संक्रमित रहेका छन् ।

त्यस्तै पछिल्लो २४ घण्टामा ५८ हजार ५७८ संक्रमण मुक्त भएका छन् । भारतमा अहिलेसम्म २ करोड ९३ लाख ९ हजार ६०७ संक्रमण मुक्त भएका छन् । त्यस्तै भारतमा अहिलेसम्म कुल ४० करोड ६३ लाख ७१ हजार २७९ नमुना परिक्षण गरिएको छ । त्यस्तै पछिल्लो २४ घण्टामा भारतमा १५ लाख ७० हजार ५१५ नमुना परिक्षण गरिएको इण्डियन काउन्सिल अफ मेडिकल रिसर्चले जानकारी दिएको छ ।