वीपी प्रतिष्ठानमा तीन संक्रमितको मृत्यु

धरानस्थित वीपी कोइराला स्वास्थ्य विज्ञान प्रतिष्ठानमा उपचाररत थप तीनजना कोरोना संक्रमितको मृत्यु भएको छ ।

प्रतिष्ठानले संचालन गरेको कोभिड १९ अस्पतालमा उनीहको उपचार भइरहेको थियो । प्रतिष्ठानका सह–प्रवक्ता डा. चुडामणि पोखरेलका अनुसार मृत्यु हुनेमा धरान–११ का ७५ वर्षीय पुरुष, धरान–१३ का ४३ वर्षीय महिला र धरान ५ का ७९ वर्षीय पुरुषको मृत्यु भएको हो । 

पछिल्लो २४ घण्टामा मृत्यु भएका तीनै जनामा कुनै न कुनै दीर्घ रोगको समस्या रहको पोखरेलले बताए । योसँगै धरान  उपमहानरपालिकामा कोरोना संक्रमणका कारण मृत्यु हुनेको संख्या ६९ पुगेको छ ।