आइतबार कुवेतबाट काठमाडौं आइपुग्ने नेपाली फुटबल टिम

आइतबार कुवेतबाट काठमाडौं आइपुग्ने नेपाली फुटबल टिम

फिफा विश्वकप २०२२ तथा एशियन कप २०२३ को छनोट खेल्नका लागि कुवेत गएको टिम आइबार स्वदेश फर्कने भएको छ ।

कोरोना महामारीका कारण एएफसीले न्यूट्रल भेन्यूका रुपमा कुवेतमा आयोजना गरेको प्रतियोगितामा नेपालले खेलेका तीन खेल मध्य एक खेलमा जित निकाल्दा दुई खेलमा पराजय भोगेको छ ।

नेपाली टिमले इराकसँग ६–२ गोल अन्तरले पराजय भोगे पनि उत्कृष्ट प्रदर्शन गरेको थियो । त्यसपछि कुवेत गएको नेपाली टिमले चाइनिज ताइपेईलाई २–० गोल अन्तरले पराजित गर्दै तालिकामा ६ अंक बनाउन सफल भयो । त्यसपछि जोर्डन र अस्ट्रेलियासँग नेपाली टिमले समान ३–० गोल अन्तरले पराजय भोग्न बाध्य भयो ।

विश्वकप छनोट चरणबाट आउट भइसकेको नेपालले एशियन कपको छनोटका लागि प्लेअफ खेल्ने सम्भावना बाँकी नै रहेको छ । त्यसका लागि अहिले अन्य टिमहरुको पनि समूह चरणको खेल सकिनु पर्ने छ । त्यसपछि मात्रै प्ले अफ पुग्ने या नपुग्ने टुंगो पनि लाग्ने छ ।

नेपाली फुटबल टिमको प्रशिक्षकका कतारका अब्दुल्लाह अल्मुताइरी आएपछि पहिलो पटक खेलेको अन्तर्राष्ट्रिय प्रतियोगितामा नेपाली टिमको प्रदर्शन भने उत्कृष्ट नै मान्न सकिन्छ । लामोसमयदेखि गोलको खडेरी रहेको नेपाली टिमले यस पटक उत्कृष्ट प्रदर्शन गर्दै भविष्यका लागि राम्रो शंकेत गरेको छ ।

२३ जना खेलाडी र १२ जना अफिसियलसहित गएको नेपाली टिम कुवेतबाट आज राति नै प्रस्थान गर्ने छ । त्यहाँबाट कतारको दोहा आइपुग्ने नेपाली टिम काठमाडौं विमानस्थलमा भने आइतबार बेलुका आइपुग्ने जनाइएको छ ।