सुनसरीमा लकडाउन कडाः इटहरी, धरान र इनरुवामा नेपानी सेना परिचालन

दिप खबर
जेष्ठ १, २०७८

जिल्ला प्रशासन कार्यालय सुनसरीले आज (शनिवार) देखि नेपाली सेना परिचालन गरिएको छ। सुनसरीमा कोरोना संक्रमितको संख्या अत्याधिक बढेको भन्दै स्थानीय प्रशासनले मुख्य शहर इटहरी, धरान र जिल्लाको सदमुकाम इनरुवामा सेना परिचालन गरेको हो

लकडाउन नियन्त्रणमा जनपथ र सशस्त्र प्रहरी परिचालन गर्दासमेत सुरक्षाकर्मीहरुको संख्या कम देखिएकाले आवश्यकताअनुसार तीनवटा स्थानीय तहमा सेना परिचालन गरिएको प्रमुख जिल्ला अधिकारी उमेश ढकालले बताए । लकडाउन नियन्त्रण गर्न परिचालन गरिएका सेनाका जवानहरुले रचनात्मक तरिकाले लकडाउन नियन्त्रणको काम गर्ने पनि प्रजिअ ढकालले बताए।

सेनाले धरान, इटहरी र इनरुवामा मूख्य बजार क्षेत्र, अति भीड हुने स्थान र राजमार्गमासमेत नियमित गस्ती गर्ने बताइएको छ। यस अगाडि बैशाख ३१ गतेसम्म गरिएको लकडाउनमा सुनसरीका धरान, इटहरी र इनरुवाका बासिन्दाले लककडाउनलाई पूर्ण पालना नगरेपश्चात जिल्ला सुरक्षा समितिको निर्णय अनुसार सेना परिचालन गर्ने निर्णय गरिएको प्रजिअ ढकालले बताए। जेठ १५ सम्म गरिएको पूर्ण लकडाउनमा मेडिकल, एम्बुलेन्स र अतिआवश्यकबाहेकका सबै सेवा बन्द गर्ने गरिएको छ।

पूर्ण लकडाउनको समयमा जो कसैबाट उलघंन गरिए संक्रमण ऐन २०२० अनुसार पक्राउ गरी कार्वाहि गर्न प्रहरीलाई निर्देशनसमेत दिएको प्रजिअ ढकालले बताए।

थप समाचार

प्रतिक्रिया

ताजा अपडेट

ट्रेन्डिङ

BACK TO TOP