सुनसरीमा माछामासु, फलफुल, डेरी पसल पनि पुर्ण रुपमा बन्द गर्ने प्रशासनको निर्णय

सुनसरीमा माछामासु, फलफुल, डेरी पसल पनि पुर्ण रुपमा बन्द गर्ने प्रशासनको निर्णय

सुनसरीमा माछामासु, डेरी, तरकारी तथा फलफूल पसल समेत बन्द गर्न प्रशासनले निर्देशन दिएको छ । बुधबार (आज) बसेको डिसिसिएमसिको बैठकले जिल्लाभर माछामासु, डेरी, तरकारी तथा फलफूल पसल समेत बन्द गर्न प्रशासनले निर्देशन दिएको हो । आगामी बैशाख ३१ गतेबाट जेठ १५ गते सम्म उक्त नियम जारी गरिएको जिल्ला प्रशासन कार्याालय सुनसरीले जानकारी दिएको छ ।

प्रशासनद्धारा जारी विज्ञप्तीमा औषधी र स्वास्थ्य सामाग्री तथा इन्धन व्यवसाय सम्बन्धी पसल पेट्रोल पम्प र ग्याँस सिलिन्डर बाहेक अन्य पसल व्यवसाय खाद्यान्न, तरकारी, फलफूल, डेरी तथा मासुजन्य पसल समेत पूर्ण रुपमा बन्द गर्ने उल्लेख गरिएको छ ।

यसअघि प्रशासनले वैशाख ३१ गतेसम्मका लागि निषेधाज्ञा गर्ने निर्णय गरेपनि कोरोना महामारीको अवस्था भयावह भएको भन्दै आज बसेको बैठकले माछामासु, डेरी, तरकारी तथा फलफूल पसल समेत बन्द गर्न प्रशासनले निर्देशन दिएको प्रमुख जिल्ला अधिकारी उमेशकुमार ढकालले जानकारी दिए ।

यद्यपि, तरकारी, फलफूल, दूध तथा दूग्धजन्य पदार्थ बोको गाडी, मासु तथा मासुजन्य वस्तु बोकेको सवारी साधन भने प्रशासनको अनुमति लिएर सञ्चालन गर्न पाउने ढकालले बताए ।