बराहक्षेत्रका मेयर खनालले प्रयोग गर्दै आएको गाडी जनतालाई सेवा दिने गरी एम्बुलेन्स बनाउने

बराहक्षेत्रका मेयर खनालले प्रयोग गर्दै आएको गाडी जनतालाई सेवा दिने गरी एम्बुलेन्स बनाउने


सुनसरीको बराहक्षेत्र नगरपालिका प्रमुख निलम खनालले आफुले चढ्दै आएको र प्रशासकीय अधिकृतले चढ्दै आएको गाडी कोरोना संक्रमण भर एम्बुलेन्स बनाएर प्रयोग गर्ने भएका छन् । मेयर खनालले चढ्दै आएको बा.१ झ ८८९१ नं को गाडी र प्रमुख प्रशासकिय अधिकृत राजेश पोखरेल चढ्दै आएको बा ।१ झ.५८१४ नं को गाडी नगरबासीलाई एम्बुलेन्सको रुपमा प्रयोग गर्न दिने निर्णय गरेको नगर प्रमुख खनालले बताए ।

कोरोना संक्रमणको समयमा गरीब जनताले दुख पाउनु नपरोस, समयमै अस्पताल लान नसक्दा ज्यान गुमाउन नपरोस भन्ने उदेश्यले जनताको सेवामा आफु सधै तत्पर रहेको प्रमुख खनालको भनाई छ ।

एउटा गाडी गर्भवति सुत्केरीको लागी अस्पताल लैजान ल्याउन प्रयोग गरीने र एउटा गाडी आइसुलेसनमा प्रयोग गरीने छ । गाडीमा अक्सिजनको सिलिन्डरको व्यवस्थापन समेत गर्ने तयारी भैरहेको छ । आफुले आफ्नो काममा र नगरपालिकाको काममा हिड्नको लागी आफ्नो व्यक्तिगत स्कुटी प्रयोग गर्ने खनालले बताए । आइसुलेसनको लागी बराहक्षेत्र नगरपालिकामा रहेको सप्तकोशी बहुमुखी क्याम्पसमा ५० शैयाको आइसुलेसन तयारी अबस्थामा रहेको प्रमुख खनालले बताएका छन् ।