कोरोना सङ्क्रमणको दर दिनप्रतिदिन बढ्दै गएको भन्दै इटहरी अस्पतालले इमरजेन्सी बाहेकका जनरल डेन्टल ओपिडी र जनरल भिडियो एक्स-रे सेवा अनिश्चित कालका लागि बन्द गराएको छ । इटहरीमा कोभिड-१९ को दोस्रो लहर चलेसगैं स्थिति भयावह हुने भन्दै सेवाग्राहीसँग प्रत्यक्ष जोडिने सेवा गराएको अस्पतालले जनाएको छ ।
अस्पतालका मेडिकल सुपरिटेन्डेन्ट डाक्टर योगेश चेम्जोङ्गले अर्को सूचना नआए सम्मका लागि बन्द गरिएको बताए ।
कोरोना सङ्क्रमणको दर बढेसगैं अस्पतालले थप सावधानी अपनाएर सेवा दिइरहेको छ ।
कोरोना भाइरसको दोस्रो लहर चलेसगैं हाल सम्म इटहरीमा मात्रै २ सय ३७ जना रहेका छन् । यस्तै मृत्यु हुने ३ जना रहेका छन् । आजै (सोमबार) मात्र १३ जनामा कोरोना सङ्क्रमण देखिएको छ । कोरोनाको सङ्क्रमण दिनप्रतिदिन बढ्दै गएपछि मङ्गलवारबाट इटहरीमा पिसिआर पद्धतिबाट परीक्षण सुरु गर्ने इटहरी अस्पतालका इमरजेन्सी शाखा प्रमुख रामकुमार धमलाले जानकारी दिए ।
BACK TO TOP
