प्रदेश १ मा १ सय ६८ जना कोरोना संक्रमित थपिए

प्रदेश १ मा १ सय ६८ जना कोरोना संक्रमित थपिए

प्रदेश १ मा आज (बिहिबार) १६८ जना कोरोना सङ्क्रमित थपिएका छन् ।

संक्रमित हुनेमा मोरङमा १०८, सुनसरीमा २८, झापामा १७, धनकुटामा २, तेह्रथुम र उदयपुरमा १(१ र प्रदेश १ बाहिरका ११ जनामा सङ्क्रमण देखिएको प्रदेश १ सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा ९७ जनामा सङ्क्रमण पुष्टि भएका छन् । सङ्क्रमित मध्ये ४६ जना महिला र ५१ जना पुरुष छन् ।

मोरङको बुढीगंगा, उर्लाबारी, कटहरीमा २–२, सुन्दरहरैचा, पथरीशनिश्चरे र रंगेलीमा १–१ र स्थानीय तह नखुलेका २ जना, सुनसरीको धरानमा १६, इटहरीमा ७, बराहक्षेत्र, दुहबी, गढी, भोक्राहानरसिंह र कोशी गाउँपालिकामा १(१, झापाको भद्रपुर र बिर्तामोडमा ४(४, कनकाईमा ३, दमकमा २, अर्जुनधारा, मेचीनगर, झापा गाउँपालिका र स्थानीय तह नखुलेका १(१, धनकुटाको धनकुटा नगरपालिकामा २, तेह्रथुमको लालीगुराँसमा १, उदयपुरको त्रियुगामा १ र प्रदेश १ बाहिरका ११ जनामा सङ्क्रमण देखिएको सामाजिक विकास मन्त्रालयले जनाएको छ ।

प्रदेश १ मा कोरोना सङ्क्रमितको सङ्ख्या ३१ हजार ७० पुगेको छ । सङ्क्रमित मध्ये २९ हजार ९३२ जना सङ्क्रमणमुक्त भएका छन् । सक्रिय सङ्क्रमित ६६६ जना छन् ।

प्रदेश १ मा आज ६ सय २ जनाको पीसीआर परीक्षण गरिएको छ । परीक्षण गरिएका मध्ये ७२ महिला र ९६ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।