आगोमा जलेर ७२ वर्षीया वुद्धाको ज्यान गयो

आगोमा जलेर तेह्रथुममा एक जना वृद्धाको मृत्यु भएको छ ।

सोमबार बिहान म्याङलुङ नगरपालिका– ३ नागदह बस्ने ७२ बर्षीया फुलमाया ढुंगानाको आगोले जलेर मृत्यु भएको हो ।

घर नजिकै आफ्नै बारीमा सुकेका झ्यास, झिक्रा डढाउने क्रममा सो आगो नजिकै रहेको बासझ्याङमा पुगेको थियो ।

बासझ्याङमा आगो सल्किएपछि निभाउने क्रममा सोही बासझ्याङमा खोल्सी परेको स्थानमा फुलमायाको शरीरको कपडा पुर्णरुपमा जलिसकी मृत अवस्थामा फेला परेको जिल्ला प्रहरी कार्यालय तेह्रथुमले जनाएको छ ।

घटना सम्बन्धमा थप अनुसन्धान भईरहेको सो कार्यालयले जनाएको छ ।