चितवनको राप्ती नगरपालिका ११ चिउरीटार स्थित खोलामा ट्याक्टर दुर्घटना हुँदा कम्तीमा पाँच जनाको मृत्यु भएको छ। दुर्घटनामा १९ जना घाइते भएका छ्न् ।
वडा कार्यालय ढलान गरेर फर्केका मजदुरहरु चढेको ना १ च ६२८२ नम्बर को ट्रयाक्टर दुर्घटना हुँदा १ महिला सहित ५ जनाको ज्यान गएको जिल्ला प्रहरी कार्यालय चितवनले जनाएको छ । जसमध्ये ८ जनाको अबस्था गम्भीर रहेको जिल्ला प्रहरी कार्यालय चितवनका प्रबक्ता प्रहरी नायब उपरिक्षक सुर्य थापाले जानकारी दिए ।
थाकलटार बाट भण्डारा तर्फ आउँदै गरेको ट्र्याक्टर अनियन्त्रित भइ सडक बाट झन्डै १०० मिटर तल खस्दा दुर्घटना भएको हो। घाइतेहरुको पुरानो मेडिकल कलेज र चितवन मेडिकल कलेजमा उपचार भइरहेको छ । ३० जना भन्दा बढि सबार ट्र्याक्टरमा केहि सम्पर्क बिहिन हुन सक्ने आसंका गरिएको छ।
BACK TO TOP
