प्लाई उद्योगमा लागेको आगो २४ घण्टापछि नियन्त्रणमा आयो, उद्योगको ९० प्रतिशत भाग जलेर नष्ट

प्लाई उद्योगमा लागेको आगो २४ घण्टापछि नियन्त्रणमा आयो, उद्योगको ९० प्रतिशत भाग जलेर नष्ट

इटहरी १० खनारको तिरुपति प्लाई उद्योगमा लागेको आगो २४ घण्टा पछि आगलागी नियन्त्रणमा आएको छ । इलाका प्रहरी कार्यालय इटहरीका प्रमुख डिएसपी अर्जुन केसीका अनुसार प्लाई उद्योगमा सोमबार विहान ७ बजेबाट भएको आगलागी मंगलबार विहान ९ बजे मात्र नियन्त्रणमा आएको हो ।

आगलागीबाट उद्योग पुर्ण रुपमा क्षेति भएको छ । आगोबाट उद्योगको १० प्रतिशत सामग्री भने जोगिएको डिएसपी केसीले बताए । आगोलाई नियन्त्रणमा लिनका लागि सप्तरी। सुनसरी, मोरङ र झापाका १५ दमकल सहित नेपाली सेना, सशस्त्र प्रहरी, जनपथ प्रहरी र स्थानिय २४ घण्टा खटिएको डिएसपी केसीले बताए । उद्योग भित्रका प्लाईहरुमा आगो निभाउने क्रम जारी रहे पनि यसलाई नियन्त्रणमा आएको भन्नुपर्ने डिएसपी केसीको भनाई छ । ठुलो उद्योगमा आगो लागेका कारण क्षतिको विवरण आउन केही समय लाग्ने बताइएको छ । हाल उक्त उद्योगमा करिब ३ सय कर्मचारी कार्यरत छन् ।