निजी कलेजमा अध्यययन गर्ने विद्यार्थीले गरे इटहरी चोकमा यातायात ठप्प

निजी कलेजमा अध्यययन गर्ने विद्यार्थीले गरे इटहरी चोकमा यातायात ठप्प

सुनसरीको इटहरीमा निजि कलेज प्रशासनविरुद्ध आन्दोलनमा उत्रिएका विद्यार्थीहरुले इटहरीको मुख्य चोकमा सडक अवरुद्ध पारेका छन् ।

निजी कलेजले कोरोना अवधिको पनि शुल्क असुल्न थालेपछि आन्दोलित बनेका विद्यार्थीहरुले इटहरीको चोकको चारै दिशाको सडक ठप्प बनाएका छन् । उनीहरुले पुर्वपश्चिम राजमार्ग र कोशी राजमार्गको धरान विराटनगर सडक खण्डमा सांलो बनाएर यातायात अवरुद्ध बनाएका छन् । विद्यार्थीहरुले गर्दा लामो दुरीका सवारी मात्र होइन, दुई चक्के सवारीलाई पनि जान दिएका छैनन् । त्यस्तै उनीहरुले इटहरी उपमहानगरको गेटमा पनि चर्काे नारा जुरुस सहित धर्ना दिईरहेका छन् ।

त्यसअघि, विद्यार्थीहरुले कलेजहरुबाट एकजुट हुदै र्याली निकालेका थिए । इटहरीमा रहेका कोशी कलेज, कस्तुरी, बिश्व आदर्श, सुष्मा कलेजका विद्यार्थीहरु आन्दोलनमा उत्रिएका हुन् । उनीहरुले लकडाउनको पुरै मासिक शुल्क मिनाहाको माग गर्दै आएका छन् । अहिले इटहरी उपमहानगर भित्र मेयर, शिक्षा महााखा प्रमुख, विभिन्न विद्यार्थी संगठनका प्रतिनिधि र आन्दोलनरत विद्यार्थीका विच बैठक जारी रहेको छ ।