इटहरीमा ओली समुहका नेता, कार्यकर्ताले राखे कार्यालयमा एमालेको बोर्ड

इटहरीमा ओली समुहका नेता, कार्यकर्ताले राखे कार्यालयमा एमालेको बोर्ड


सुनसरीको इटहरीमा नेपाल कम्युनिष्ट पार्टी एमाले निकट राष्ट्रिय युवा संघ इटहरी नगर कमिटिले पार्टी कार्यालयको बोर्ड परिवर्तन गरी नेकपा एमाले लेखिएको बोर्ड राखेको छ ।

इटहरीस्थित हटीया लाइनमा नेकपाको बोर्ड हटाइ पुनःएमालेकै राखिएको हो । यस अघि सोहि स्थानमा नेकपाको बोर्ड राखिएको थीयो । सोमबार प्रधानमन्त्री केपी शर्मा ओली समर्थक एमालेका कार्यकर्ताहरू भेला भएर पार्टि कार्यालयको बोर्ड परिवर्तन गरेका हुन् ।
युवा संघ नगर कमिटि अध्यक्ष कमल दाहालले एक विज्ञप्ती जारी गर्दै आजबाट सम्पुर्ण कार्यालयको जिम्मेवारी राष्ट्रिय युवा संघले लिएको जानकारी दिए । साथै वडा नम्बर ६ को वडा कार्यालय पनि आजैबाट सञ्चालनमा आएको विज्ञप्तीद्धारा जानकारी गराइएको छ ।

अदालतले नेकपा खारेज गरेसंगै केपि ओली सर्मथकहरू खुशि देखिएका छन । इटहरीमा पार्टीको बोर्ड परिवर्तन भएसंगै अब जिल्लाका स्थानीय तहमा रहेका पार्टी कार्यालयहरूको पनि बोर्ड परिवर्तन गरिने एमालेका नेताहरूले जनाएका छन । यसेबिच मोरङको विराटनगर ११ पाञ्चालीमा पनि नेकपाको बोर्ड हटाएर नेपाल कम्युनिष्ट पार्टी (एमाले) लेखिएको बोर्ड राखिएको छ ।उनिहरूले सो स्थानमा बोर्ड मात्र नभइ प्रधानमन्त्री ओलीको प्रतिमा समेत बनाएर राखेका छन् ।