इटहरीमा फागुन १३ गतेबाट प्रदेश स्तरिय भेटानकप फुटबल हुने

इटहरीमा फागुन १३ गतेबाट प्रदेश स्तरिय भेटानकप फुटबल हुने

इटहरीमा फागुन १३ गतेदेखी एक नम्बर प्रदेश स्तरिय भेटान कप फुटबल प्रतियोगिता हुने भएको छ । आयोजक हाम्रो इटहरी भेटान क्लबले शुक्रबार इटहरीमा पत्रकार सम्मेलन गरी प्रतियोगिताबारे जानकारी गराएको हो ।

इटहरी ५ पचरुखी स्थित जनता बहुमुखी क्याम्पसको खेल मैदानमा हुने प्रतियोगिता फागुन २२ गतेसम्म चल्ने आयोजक इटहरी भेटान फुटबल क्लबका अध्यक्ष मन्दिप कुमार राइले जानकारी दिए । प्रतियोगितामा झापा, मोरंग, सुनसरी, उदयपुर र धनकुटाका गरी १२ वटा टिमको सहभागिता रहने अध्यक्ष राइले बताए ।

१२ लाख रुपैया खर्च हुने प्रतियोगितामा बिजेता टिमले ५५ हजार रुपैया र उपबिजेताले ३१ हजार रुपैया पुरस्कार पाउने छनर । इटहरी उपमहानगरपालिकाको संयोजनमा हुने प्रतियोगिताको उद्धघाटन र समापन इटहरी नगरपालिकाका नगरप्रमुख द्धवारिकलाल चौधरीले गर्ने आयोजकले जनाएको छ ।