इटहरीमा एउटै ट्रिपरले दुुई मोटरसाइकललाई ठक्कर दिँदा एकजनाको मृत्युु, दुई जना घाइते

इटहरीमा एउटै ट्रिपरले दुुई मोटरसाइकललाई ठक्कर दिँदा एकजनाको मृत्युु, दुई जना घाइते

इटहरीमा सवारी दुर्घटनामा परी एक जनाको मृत्यु भएको छ भने दुुई जना घाइते भएका छन् ।

इटहरी १७ स्थित पूर्व–पश्चिम राजमार्गमा पश्चिमतर्फ जाँदै गरेको को १ क ३४११ नम्बरको ट्रिपरले सोही दिशातर्फ जाँदै गरेको को ३८ प ५७५५ नम्बरको मोटरसाइकललाई बुधबार मध्याह्न ठक्कर दिएको थियो । ठक्करबाट गम्भीर घाइते भएका उदयपुर बेलका नगरपालिका–९ का ५४ वर्षीय राजेन्द्र चौधरीलाई उपचारका लागि धरानस्थित वीपी प्रतिष्ठान पुुर्याए लगत्तै मृत्यु भएको प्रदेश १ ट्राफिक प्रहरी कार्यालय इटहरीले जनाएको छ ।

त्यस्तै उक्त ट्रिपरले विपरीत दिशाबाट आउँदै गरेको को ३५ प ७६१० नम्बरको मोटरसाइकललाई समेत ठक्कर दिदाँ मोटरसाइकल चालक मोरङ बेलबारी–८ का ३८ वर्षीय होमनाथ बाँस्कोटा र मोटरसाइकलमा सवार सुनसरी इटहरी–८ का ३७ वर्षीय नगेन्द्र अधिकारी घाइते भएका छन् । उनीहरुको स्थानीय अस्पतालमा उपचार भइरहेको प्रहरीले जनाएको छ ।

तीन वटै सवारी साधन र ट्रिपर चालक सुनसरी रामधुनी–३ का ३५ वर्षीय सलम कुमार सरदार ईलाका प्रहरी कार्यालय पकलीको नियन्त्रणमा रहेका छन् ।