इटहरी वडा नम्बर १० मा स्वास्थ्य इकाई भवनको शिलान्यास

इटहरी वडा नम्बर १० मा स्वास्थ्य इकाई भवनको शिलान्यास

इटहरी उपमहानगरका सबै वडाहरुमा स्वास्थ्य इकाई पुर्याउने उदेश्यले वडा नम्वर १० मा स्वास्थ्य इकाई भवनको शिलान्यास गरिएको छ ।

इटहरी उपमहानगरका प्रमुख द्धारिकलाल चौधरीले आज (बुधबार) स्वास्थ्य इकाई भवनको शिल्यान्यास गरेका हुन् । उनले यहि आर्थिक वर्षमा भवन निर्माण सम्पन्न गरेर स्वास्थ्य सेवा प्रदान गरिने बताए ।

निर्माणको गुणस्तर र समयमा कुनै सम्झौता नहुने बताउँदै उनले इटहरीका सबै वडामा स्वास्थ्य संस्था पुर्याउन यो आर्थिक वर्षमा १४ वटा स्वास्थ्य इकाई निर्माण गरिने बताए ।

ती मध्ये १० वटा शिलान्यास भएर काम सुरु भएको र केही सम्पन्न हुने अवस्थामा पुगेको उनले बताए । वडाध्यक्ष प्रकाश चौधरीले गाँउघरमै आधारभूत स्वास्थ्य सेवा पाइने अवस्था सृजना हुनु खुशीको कुरा रहेको उल्लेख गरे ।

इटहरी उपमहानगरपालिकाका इन्जिनियर अनिल तिम्सिनाले २४ लाख १७ हजार ६ सय १७ रुपैयाँको लागतमा एकतले चार कोठे भवन निर्माण हुने जानकारी दिए ।